فى مصر والله ما حد فاهم حاجة

ناسبة موسم الامتحانات شوية اسئلة وياريت اللى يعرف حلها او حل جزء منها يقولى لاحسن انا خلاص هتجنن من الحيرة وله الشكر والاجر والثواب
اولا الاسئلة الجغرافية
ليه جامعة القاهرة اسمها جامعة القاهرة مع انها فى محافظة الجيزة؟؟
وليه مستشفى الاطفال الجماعى ابوالريش اسمها مستشفى المنيرة وهى فى حى السيدة الزينب؟؟
وليه مكان رئيس حى المعادى موجود فى حى البساتين؟؟
وايه فايدة التقسيم الادارى الجديد؟؟
وليه الحكومة اللى المفروض تسكن فى العاصمة ساكنة فى محافظة 6 اكتوبر؟؟ فى مصر والله ما حد فاهم حاجة 9796_1

ثانيا الاسئلة السياسية
ليه مدة الدورة فى مجلس الشعب 5 سنين مش اقل؟؟
ليه مجلس الشورى والمحليات فيهم اعضاء بالتعيين؟؟
ليه الحكومة ساكنة فى القرية الذكية ومع ذلك قراراتها فى منتهى الغباء؟؟
ليه مصر بتصدر الغاز الطبيعى وهى محتاجة جدا؟؟
ليه قانون الطوارئ يفضل شغال اكتر من 20 سنة؟؟
فى مصر والله ما حد فاهم حاجة 500396

الاسئلة الاقتصادية
بما تفسر ياعلاوة ما اتقبضت خدها الغلاء وطار؟؟
ليه البنزين والزيت والرز والسجائر والكهرباء والمياه والعيشة اسعارها بقت مولعة ناررررر؟؟
ليه الشقق غالية والقاهرة نصفها مقابر والصحراء كلها صحرا ؟؟
ليه الجنيه المصرى بقه ايدك منه والارض؟؟
ليه كل حاجة عمالة تغلى الا الانسان فى مصر عمال يرخص؟؟
فى مصر والله ما حد فاهم حاجة 1195037315

اسئلة لولبية
ليه وزارة احمد نظيف مش بتستقل او تتعزل رغم كل المصايب اللى عمال تحصل دى؟؟
ليه رئيس الوزارة اسمه نظيف مع ان البلد كلها تلوث فى تلوث؟؟
ليه التليفزيون بتاعنا بجيب الخبر بعد ما يحصل باربع سنين ده لو افتكر وجابه؟؟
ليه بيقول ان التعليم مجانى مع ان اى بيت بيدفع مش اقل من 500 جنيه شهريا دروس خصوصية؟؟
ليه محدش يعرف دكتور مصطفى مشرفة والناس كلها تعرف سعد الصغير؟؟
ليه معندناش لجنة ادارة ازمات مع اننا اكتر حاجة عندنا هى الازمات؟؟
كل حاجة عندنا بطابور ومع ذلك احنا معندناش نقطة نظام؟؟
عندنا اكتر من 100 الف خريج جامعى سنويا ومعندناش ولا 100 عالم ؟؟
واخيرا ليه منيو الخمسة لسه بخمسة مغليش زى كل حاجة فى البلد؟؟
فى مصر والله ما حد فاهم حاجة Image

انا واللهى مش عارف ولا سوال من الى قولته

عالفكرة يا امير موضوعك مش حلو خالص ;) ;) ;) ;) ;) ;)
والزكى يفهم :lol: :lol: :lol: :lol: